عالمی منڈی وچ خام تیل دیاں قیمتاں وچ مزید 2 فیصد کمی

لندن (24 جون 2026): عالمی منڈی وچ خام تیل دیاں قیمتاں وچ مزید 2 فیصد کمی ریکارڈ کیتی گئی اے، جدکہ برینٹ کروڈ حالیہ مہینیاں دی سبھ توں گھٹ سطح اُتے آ گیا اے۔

عالمی منڈی وچ خام تیل دیاں قیمتاں وچ کمی دا سلسلہ جاری اے تے تازہ ترین تجارتی سیشن دوران تیل دیاں قیمتاں وچ مزید 2 فیصد کمی ریکارڈ کیتی گئی اے۔ ایس کمی توں بعد برینٹ خام تیل دی قیمت گھٹ کے 77 ڈالر فی بیرل دی سطح اُتے آ گئی اے۔

رپورٹ دے مطابق عالمی مارکیٹ وچ امریکی خام تیل (ڈبلیو ٹی آئی) دی قیمت وی گھٹ کے 73 ڈالر فی بیرل ہو گئی اے، جدوکہ متحدہ عرب امارات دا مربن خام تیل 69 ڈالر فی بیرل وچ فروخت ہو ریا اے۔

معاشی ماہراں دے مطابق امریکہ تے ایران دے وچ جنگ شروع ہون توں بعد ہُن تک عالمی منڈی وچ برینٹ خام تیل دی ایہہ سبھ توں گھٹ سطح اے۔ قیمتاں وچ ایس نمایاں کمی دی وجہ عالمی سطح اُتے تیل دی طلب وچ کمی تے سپلائی دی صورتحال وچ بہتری نوں قرار دِتا جا ریا اے۔