عالمی ادارہ صحت نے پاکستان نوں دوائیاں دی بھاری کھیپ فراہم کر دتی

اسلام آباد: عالمی ادارہ صحت نے پاکستان نوں دوائیاں دی بھاری کھیپ فراہم کر دتی اے۔

ترجمان ڈبلیو ایچ او دے مطابق پاکستان نوں 3 لاکھ 80 ہزار بندیاں لئی دوائیاں فراہم کیتیاں نیں، ایہ دوائیاں مون سون سیزن وچ ایمرجنسی دے دوران دتیاں جان گئیاں۔

دوائیاں نال لَڈے ہوئے 9 ٹرک وکھو وکھ علاقیاں ول روانہ کر دتے گئے نیں جیہڑے ہڑ (سیلاب) توں متاثرہ علاقیاں وچ پہنچائے جان گے۔

ترجمان ڈبلیو ایچ او دے مطابق پاکستان نوں اینٹی بائیوٹک، پیڑ گھٹ کرن والیاں (دردکش) تے ڈرپ بوتلاں فراہم کیتیاں نیں، مون سون سیزن لئی بلڈ پریشر تے الرجی دیاں دوائیاں بھی دتیاں گئیاں نیں۔

عالمی ادارہ صحت دا کہنا اے کہ انفیکشن توں بچاؤ دیاں آئی پی سی کٹس فراہم کیتیاں نیں، جدکہ ملیریا، ڈینگی تے پانی توں پھیلن والیاں بیماریاں (آبی امراض) دیاں تشخیصی کٹس وی دتیاں گئیاں نیں۔