ہال روڈ تے بجلی دیاں تاراں چ اچانک اگ بھڑک اٹھی

ہال روڈ تے بجلی دیاں تاراں چ اچانک اگ بھڑک اٹھی، جس پاروں علاقے چ خوف تے ہراس پھیل گیا۔

تفصیلات دے مطابق اگ میزان بینک دے نیڑے بجلی دیاں تاراں چ لگی۔ واقعے دی اطلاع ملدے ای ریسکیو 1122 تے فائر فائٹرز فوراً موقعے تے پہنچ گئے۔ ریسکیو حکام دے مطابق فائر فائٹنگ ٹیماں نے بروقت کارروائی کردیاں ہویاں اگ تے قابو پا لیا تے صورتحال نوں کسے وڈے نقصان توں بچا لیا۔

مڈھلی معلومات دے مطابق اگ بجلی دیاں تاراں چ شارٹ سرکٹ پاروں لگی، پر مزید تحقیقات جاری نیں۔ ریسکیو 1122 دے مطابق بروقت رسپانس دی بدولت اگ نوں پھیلنے توں روکیا گیا تے نیڑے دیاں دکاناں تے عمارتاں نوں محفوظ رکھیا گیا۔