عراق نے پاکستانی زائرین لئی نویاں ویزا شراطاں جاری کر دتیاں

دمشق: عراق نے پاکستانی زائرین لئی نویاں ویزا شراطاں جاری کر دتیاں نیں.

عراقی حکام نے زائرین تے زیارت گروپ آرگنائزرز نوں عراقی ویزا قنوناں تے سختی نال عمل کرن دی ہدایت کیتی اے۔ نویاں ہدایتاں دے مطابق فیملی ویزا تے کلے (اکیلے) سفر کرن والے بندیاں نوں عراق وچ وڑن (داخلے) دی اجازت نہیں دتی جاوے گی، جدکہ 50 سال توں گھٹ عمر دے کلے مرداں دے عراق آؤن تے وی پابندی ہووے گی۔

سرکاری چٹھی (اعلامیے) وچ آکھیا گیا اے کہ ویزا مسترد ہون یا عراق وچ داخلے دی اجازت نہ ملن دی صورت وچ ویزا فیس واپس نہیں کیتی جاوے گی۔ ایسے طرحاں عاشورہ تے اربعین لئی اکو ویزا ورتیا (استعمال) نہیں کیتا جا سکے گا۔

عراقی حکام دے مطابق ویزا صرف 30 دناں لئی چل سکے گا، جدکہ دتے گئے ویلے توں ودھ رہن دی صورت وچ جرمانہ، ملک بدری (دیس نکالا) تے تاحیات عراق وڑن تے پابندی لائی جا سکدی اے۔

اعلامیے دے مطابق پاکستانی زائرین دے پاسپورٹ عراق اپڑن تے عراقی امیگریشن حکام اپنی تحویل وچ رکھن گے۔