پاکستان وچ پہلی جولائی توں مون سون دا آغاز ہون دا امکان
کراچی: محکمہ موسمیات نے ملک دے وکھ وکھ حِصیاں وچ پہلی جولائی توں مون سون دے آغاز دی پیشگوئی کر دتی۔
ترجمان محکمہ موسمیات انجم نذیر دے مطابق ملک دے شمال مشرق پنجاب تے کشمیر توں مون سون دا آغاز ہون دی امید اے، پہلی جولائی توں ملک دے شمالی حصے تے پنجاب دے شمال مشرق حصے وچ بارش ہو سکدی اے۔
انجم نذیر نے دسیا کہ سندھ وچ ہالے مون سون شروع ہوندا نظر نہیں آ رہیا تے سندھ وچ 5 جولائی تیکر بارش دا کوئی امکان نہیں اے۔
کراچی دے حوالے نال پیشگوئی کردے ہوئے ترجمان نے آکھیا کہ خلیج بنگال وچ بنن والا گھٹ دباؤ کراچی سمیت سندھ وچ بارش برسا سکدا اے، ایس مون سون وچ کراچی سمیت سندھ وچ معمول توں گھٹ بارش ہو سکدی اے۔
انجم نذیر دے مطابق بھارت وچ وی جون وچ معمول توں 43 فیصد گھٹ بارشاں ہوئیاں۔
