آزاد کشمیر دے تاجریاں تے ٹرانسپورٹراں دا 29 جون توں کاروبار شروع کرن دا اعلان
آزاد کشمیر دے تاجر تے ٹرانسپورٹ رہنماواں نے 29 جون توں کاروبار تے ٹرانسپورٹ کھلی رکھن دا اعلان کر دتا۔
مظفرآباد وچ پریس کانفرنس کردے ہوئے تاجر تے ٹرانسپورٹ رہنماواں نے آکھیا کہ جدوں تیکر عوامی ایکشن کمیٹی کالعدم نہیں ہوئی سی اسیں اوہدے نال ساں، ہن نہیں آں، اسیں پاک فوج، پاکستان دے عوام تے حکومت دے خلاف نہیں ہو سکدے، اوہناں نے جیہڑا ساتھ دتا اسیں نہیں بھُل سکدے،۔
اوہناں نے آکھیا کہ راولاکوٹ وچ بیٹھے ایہہ کون لوک نیں؟ اسیں اوہناں دے نال نہیں، 12 سیٹاں دا معاملہ آئینی اے، ایہہ ساڈا کدی مسئلہ نہیں رہیا، ہالے وی ویلا اے صبح دا بھُلیا شام نوں گھر آ جاوے تے کوئی گل نہیں، ہالے وی ویلا اے اوہ واپس آ جان۔
تاجر رہنما گوہر کشمیری دا کہنا سی کہ 29 جون نوں سارے تاجر اپنے کاروبار شروع کرن۔
دوجے پاسے آزاد کشمیر وچ معمول دی زندگی کتے پورے طور اُتے تے کتے جزوی طور اُتے بحال اے۔ مظفرآباد شہر وچ میڈیکل اسٹور، سبزی فروٹ دیاں دکاناں تے بیکری کھلی اے جد کہ میرپور، بھمبر تے نیلم دے علاقے آٹھ مقام وچ کاروباری مرکز جزوی طور اُتے کھلے نیں۔
