“پاکستان تے ایران دا سانجھی ٹرانسپورٹ کمیٹی نوں فعال کرن تے اتفاق”

مستقبل وچ روڈ تے ریل رابطے ہور مضبوط، تجارتی موقعے ودھن گے: علیم خان؛ پاکستان ایران بارڈر اُتے حل طلب مسئلیاں لئی سانجھے اقدامات اُتے بھی اتفاق کیتا گیا

اسلام آباد (این این آئی): وفاقی وزیر مواصلات عبدالعلیم خان نال پاکستان دے دورے اُتے آئی ہوئی ایرانی وزیر ٹرانسپورٹ فرزانہ صادق نے ملاقات کیتی، جیہدے وچ پاکستان ایران سانجھی ٹرانسپورٹ کمیٹی نوں فعال کرن تے پاکستان ایران بارڈر اُتے حل طلب مسئلیاں لئی سانجھے اقدامات اُتے اتفاق وی کیتا گیا۔ ایس موقعے اُتے وزیر ریلوے حنیف عباسی، وزیر تجارت جام کمال تے وزیر بحری امور جنید انوار وی موجود سن۔

وزارت مواصلات دے جاری کیتے گئے اعلامیے دے مطابق، عبدالعلیم خان نے ایرانی وفد نال گل بات کردیاں ہویاں خطے وچ امن قائم ہون اُتے خوشی دا اظہار کیتا تے ایرانی عوام دے پختہ عزم نوں سلاہیا۔ اونہاں نے امید جتائی کہ مستقبل وچ پاکستان ایران روڈ تے ریل رابطے ہور مضبوط ہون گے۔ زمینی رابطیاں دی مضبوطی نال تجارتی موقعے ودھن گے۔ دوہاں ملکاں دے وچکار ٹرانسپورٹ نال جڑے مسئلیاں نوں فوراً حل کیتا جاوے گا۔ فرزانہ صادق نے دوہاں ملکاں وچکار ٹرکاں تے کنٹینرز دی کلیئرنس دا معاملہ وی چکیا۔مستقبل وچ روڈ تے ریل رابطے ہور مضبوط، تجارتی موقعے ودھن گے: علیم خان؛ پاکستان ایران بارڈر اُتے حل طلب مسئلیاں لئی سانجھے اقدامات اُتے بھی اتفاق کیتا گیا