سٹیٹ بینک نے بغیر قانونی اجازت وک دتا
کراچی: سٹیٹ بینک آف پاکستان نے بغیر قانونی وجہ، مجاز اتھارٹی دی منظوری تے تصدیق توں اکاؤنٹس بلاک کرن توں روک دتا اے۔
عدالتی حکم اُتے سٹیٹ بینک نے ملک بھر دے بینکاں نوں نواں ہدایت نامہ جاری کر دتا جیہدے وچ حکم دتا گیا اے کہ غیر ارادی تے احتیاطی پابندیاں توں وی اکاؤنٹ ہولڈرز نوں نقصان نہ پہنچایا جائے۔
سٹیٹ بینک دے حکم دے مطابق یقینی بنایا جائے کسے بھی بینک اکاؤنٹ اُتے ڈیبٹ بلاک، آپریشنل پابندی یا اکاؤنٹ فریزنگ دا قدم صرف قانون دے مطابق ہووے جبکہ کسے بھی شہری دے اکاؤنٹ دے حوالے توں قانونی اختیار تے مناسب تصدیق توں بعد ہی کارروائی ہو سکے گی۔
بینک ہدایات اُتے مکمل عمل درآمد لئی مناسب اندرونی میکانزم بھی بنا سکدے نیں، بینک اندرونی میکانزم توں یقینی بناؤن تاں جے قانونی اختیار توں بغیر غیر ارادی یا احتیاطی پابندیاں توں اکاؤنٹ ہولڈرز نوں غیر ضروری نقصان نہ پہنچے۔
واضح رہے کہ ہائیکورٹ نے بغیر قانونی اختیار تے اتھارٹی دی منظوری توں بینک اکاؤنٹس بلاک کرن توں روک رکھیا اے۔
جسٹس ارباب محمد طاہر نے سٹیٹ بینک نوں اندرونی میکانزم طے کرن تے ہدایات جاری کرن دی ہدایت کیتی سی، سٹیٹ بینک نے عدالتی حکم اُتے عمل درآمد رپورٹ اسلام آباد ہائیکورٹ وچ جمع کروا دتی۔
