بنوں: کے پی اسمبلی دے رکن دا 132 کے وی دے گرڈ اسٹیشن تے دھاوا، زبردستی سارے فیڈرز آن کرا دتے
خیبرپختونخوا اسمبلی دے رکن ملک راحت بنوں وچ پیسکو دے 132 کے وی دے گرڈ اسٹیشن وچ وڑ گئے تے زبردستی سارے فیڈرز آن کرا دتے۔
پیسکو دے ترجمان دے مطابق زبردستی فیڈرز آن کران نال سسٹم اوورلوڈ ہو گیا، بنوں گرڈ اسٹیشن توں بجلی دی سپلائی معطل ہو گئی۔ پیسکو دے ترجمان دا کہنا اے کہ سپلائی معطل ہون نال بنوں دے بوہتے علاقے ہنھیرے وچ ڈُب گئے، ملک راحت دے خلاف قانونی کارروائی کیتی جائے گی جبکہ پیسکو چیف دی ہدایت تے عملے نے گرڈ اسٹیشن تے مرمتی کم شروع کر دتا اے۔
