اڈیالہ جیل دے قیدیاں دے فرار دا معاملہ: ڈی ایس پی معطل، جیل گارڈ انچارج سمیت 5 اہلکار گرفتار
راولپنڈی وچ کہوٹہ عدالت توں پیشی دے بعد واپسی تے اڈیالہ جیل دے 14 قیدیاں دے جیل وین توں فرار ہون دے معاملے وچ اہم پیشرفت سامنے آئی اے۔
پولیس حکام دے مطابق ڈیوٹی تے مامور اڈیالہ جیل دے گارڈ انچارج سمیت 5 اہلکاراں نوں حراست وچ لے لیا گیا اے جبکہ اوہناں دے موبائل فون وی قبضے وچ لے لئے گئے نیں۔
حکام دا کہنا اے کہ واقعے دے بعد ایس پی ہیڈکوارٹر نوں عہدے توں ہٹا کے لاہور رپورٹ کرن دے احکامات جاری کر دتے گئے نیں جبکہ ڈی ایس پی ہیڈکوارٹر امتیاز احمد نوں فوری طور تے معطل کر دتا گیا اے۔
کہوٹہ وچ اڈیالہ جیل منتقلی دے دوران قیدی وین توں 14 قیدی فرار
ایس سلسلے وچ آئی جی پنجاب نے آر پی او راولپنڈی توں واقعے دی تفصیلی رپورٹ منگ لئی اے جبکہ فرار ہون والے قیدیاں دی گرفتاری لئی آپریشن جاری اے۔
واضح رہے کہ پچھلی شام کہوٹہ عدالت وچ پیشی دے بعد 14 قیدی وین توں فرار ہو گئے سن جنہاں وچوں 4 قیدیاں نوں دوبارہ گرفتار کر لیا گیا سی۔
