لاہور وچ اکیڈمی دی چھت ڈگن نال 14 بچے جاں بحق، کئی زخمی
لاہور: صوبائی دارالحکومت دے علاقے کاہنہ وچ سکول اکیڈمی دی چھت ڈگن نال 14 بچے جاں بحق جدکہ کئی زخمی ہو گئے۔
ریسکیو 1122 دے مطابق حادثے دے ویلے بچے سکول وچ ٹیوشن پڑھ رہے سن کہ اچانک کمرے دی چھت ڈگ پئی، جس دے نتیجے وچ کئی بچے ملبے تھلے دب گئے۔
مڈھلی (ابتدائی) اطلاعات دے مطابق حادثے وچ 25 توں وڈھ بچوں تے اک ٹیچر ملبے تھلے دبے جنہاں وچوں 14 بچے جاں بحق ہو گئے جدکہ 8 توں 10 بچوں دی حالت تشویشناک دسی جا رہی اے۔
ریسکیو حکام دے مطابق ڈگن والی چھت ٹی آر گارڈر نال بنی ہوئی سی جدکہ امدادی کماں دے پورا ہون توں بعد ہی نقصانات دی پکی تفصیل ساہمنے آئے گی۔
