“پنجاب وچ مارکیٹاں تے شادی ہالاں دے ویلے بدل گئے، نواں نوٹیفکیشن جاری”
لاہور: پنجاب سرکار نے بجلی دی بچت تے کاروباری سرگرمیاں دے ویلے نوں ٹھیک کرن لئی مارکیٹاں تے کاروباری مرکزاں دے نویں ویلے طے کر دتے نیں۔
چیف سیکرٹری پنجاب زاہد زمان دی منظوری توں بعد سیکرٹری انڈسٹریز اینڈ کامرس سید مسعود نعمان نے ایس بارے نوٹیفکیشن جاری کر دتا اے۔
نوٹیفکیشن دے مطابق ساریاں دکاناں، مارکیٹاں تے شاپنگ مالز ہن رات 9 بجے بند ہو جایا کرن گے، جدکہ شادی ہال، مارکیاں تے دوجیاں کمرشل تقریباں رات 10 بجے تک جاری رہ سکن گیاں۔
سرکار نے ریسٹورنٹاں، ہوٹلاں تے سبزی دیاں دکاناں نوں رات 11 بجے تک بند کرنا لازمی قرار دتا اے۔
نوٹیفکیشن وچ کجھ شعبیاں نوں ایہناں پابانڈیاں توں چھوٹ دتی گئی اے۔ میڈیکل سٹوراں، آئی ٹی کمپنیاں، تندوراں، جمز تے فیول سٹیشناں (پٹرول پمپاں) اُتے ایہناں نویں ویلیاں دا اطلاق نہیں ہوئے گا۔
