سکیورٹی فورسز نے بلوچستان دی سرحد تے افغان طالبان رجیم دے 4 ڈرونز مار گرائے: آئی ایس پی آر

پاک فوج دے شعبہ تعلقاتِ عامہ (آئی ایس پی آر) نے دسیا اے کہ افغان طالبان حکومت ولوں بلوچستان وچ سرحد پار ڈرون پروازاں توں بعد سکیورٹی فورسز نے مؤثر جوابی کارروائی کردیاں ہوئیاں افغانستان توں آؤن والے 4 ڈرونز مار گرائے۔

آئی ایس پی آر دے مطابق افغان طالبان رجیم نے 30 جون نوں بلوچستان دی سرحد تے 4 ڈرونز بھیجے، افغان طالبان رجیم نے اپنے زیرِ کنٹرول علاقیاں توں سرگرم دہشت گرد تنظیماں دی سرپرستی وچ ایہہ ڈرونز پاکستان بھیجے۔ آئی ایس پی آر ولوں جاری بیان وچ آکھیا گیا اے کہ پاکستان دا فضائی دفاعی نیٹ ورک متحرک اے، مؤثر جوابی کارروائی دے نتیجے وچ ڈرونز مار گرائے۔ سکیورٹی فورسز نے جدید دفاعی نظام راہیں چاروں ڈرونز نوں کامیابی نال تباہ کر دتا۔ آئی ایس پی آر دا کہنا اے کہ سکیورٹی فورسز نے چاروں آؤن والے ڈرونز نوں کامیابی نال ناکارہ بنا دتا۔ آئی ایس پی آر نے آکھیا کہ پاکستان دے مضبوط فضائی دفاعی نظام نے سارے ڈرونز دی فوری نشان دہی کیتی تے مار گرایا، سکیورٹی فورسز نے جدید دفاعی نظام راہیں چاروں ڈرونز نوں کامیابی نال تباہ کر دتا۔ آئی ایس پی آر دے مطابق سکیورٹی فورسز نے اعلیٰ پیشہ ورانہ تیاری دا مظاہرہ کردیاں ہوئیاں دشمن دے سارے مذموم عزائم مٹی وچ ملا دتے (ناکام بنا دتے)، افغان طالبان دے ہتھکنڈے افغان عوام نوں گمراہ کرن لئی نیں، افغان طالبان رجیم دہشت گرداں دی سرپرستی چھڈے۔ افغان طالبان نے اشتعال انگیزی دا سلسلہ جاری رکھیا تے اوہناں نوں ایسا مؤثر جواب دتا جائے گا جیہدی بھاری قیمت تارنی (چکانی) پئے گی۔ آئی ایس پی آر نے خبردار کیتا کہ افغان طالبان دا غیر ذمہ دارانہ ورتاؤ (طرزِ عمل) افغان عوام دیاں مشکلاں وچ ہور وادھا کر رہیا اے، افغان طالبان نوں پُرامن بقائے باہمی دے اصولاں تے عمل کرنا چاہیدا اے۔ آئی ایس پی آر ولوں جاری بیان وچ خبردار کیتا گیا کہ افغان طالبان نے پاکستان دے خلاف اشتعال انگیزی دا سلسلہ جاری رکھیا تے اوہناں نوں ایسا مؤثر جواب دتا جائے گا جیہدی بھاری قیمت تارنی پئے گی۔ آئی ایس پی آر نے آکھیا کہ پاکستان دیاں مسلح افواج ہر ویلے لئی پوری طرحاں چوکنا (چوکس) نیں، مسلح افواج وطنِ عزیز دے اک اک انچ دے دفاع دی بھرپور صلاحیت رکھدیاں نیں، سرحد پار کسے وی جارحیت دا آپریشن غضبُ الحق دے تحت فوری، فیصلہ کن تے بھرپور جواب دتا جاندا رہے گا۔