انبیائے کرام دی شبیہ یا اوہناں دی نمائندگی کرن والے بصری مواد (Visual Material) دی اشاعت شرعاً ناجائز اے: اسلامی نظریاتی کونسل
اسلامی نظریاتی کونسل دا کہنا اے کہ انبیائے کرام تے مقدس ہستیاں (شخصیات) دی شبیہ، بصری تمثیل یا اوہناں مقدس ہستیاں دی نمائندگی کرن والے کسے وی بصری مواد دی اشاعت شرعاً ناجائز اے۔
علامہ ڈاکٹر راغب حسین نعیمی دی صدارت ہیٹھ اسلامی نظریاتی کونسل دا اجلاس ہویا، جیہدے وچ ملکی صورتحال، قانونی معاملیاں (امور) تے عوامی فائدے دے کئی فیسلیاں دی منظوری دتی گئی۔ اجلاس وچ اک قرار داد منظور کیتی گئی جیہدے وچ آکھیا گیا اے کہ انبیائے کرام تے مقدس ہستیاں دی شبیہ، بصری تمثیل یا اوہناں مقدس ہستیاں دی نمائندگی کرن والے کسے وی بصری مواد دی اشاعت شرعاً ناجائز اے، اس کم توں پوری طرحاں پرہیز (اجتناب) کیتا جائے تاکہ ایہناں پاک ہستیاں دے مقام تے مرتبے دا تقدس برقرار رہے۔ قرار داد وچ ہور آکھیا گیا اے کہ پیمرا دا نوٹس خوش آئند گل اے، ذمہ داراں کے خلاف قانونی کارروائی کیتی جائے، آزادیِ اظہارِ رائے تے مذہبی حساسیت دے وچکار ذمہ دارانہ توازن بہت ضروری اے۔ قرار داد دے مطابق میڈیا ہاؤسز وچ پہلے توں ہی جانچ پڑتال تے تگڑے (مؤثر) ایڈیٹوریل نگرانی دا نظام بنایا جائے تاکہ ایسے واقعیاں نوں ہمیشہ لئی ٹھل پائی جا سکے (سدِباب کیتا جا سکے)۔
