وزیراعظم نے مذاکرات دی دعوت دتی پر حکومت نال بات چیت وچ کوئی پیش رفت نہیں ہوئی: بیرسٹر گوہر

راولپنڈی: تحریکِ انصاف دے چیئرمین بیرسٹر گوہر نے آکھیا کہ ملاقات والے دن وی بانی پی ٹی آئی عمران خان نال کسے نوں ملن دی اجازت نہیں دتی گئی، وزیراعظم نے مذاکرات دی دعوت دتی پر حکومت نال بات چیت وچ کوئی پیش رفت نہیں ہوئی۔

پارٹی چیئرمین بیرسٹر گوہر نے اڈیالہ جیل دے باہر میڈیا نال گل بات کردیاں آکھیا کہ 36 ہفتے لنگھ گئے نیں، بانی پی ٹی آئی نال ملاقات نہیں ہوئی، جیہدے نال چنتا (تشویش) ودھدی پئی اے۔ بیرسٹر گوہر نے آکھیا کہ عمران خان نال ملاقاتاں ہون گیاں تے پتا چلے گا کہ اوہناں دا مائنڈ سیٹ کیہ اے، ٹبر (فیملی) ولوں مطالبہ اے کہ تناں بھیناں دی ملاقات کروائی جائے۔ اوہناں دا کہنا سی کہ وزیراعظم نے اسمبلی فلور تے مذاکرات دی دعوت دتی پر حکومت نال گل بات وچ کوئی پیش رفت نہیں ہوئی، اک پاسے ساڈے بندیاں نوں سزاواں دتیاں جا رہیاں نیں تے دوجے پاسے مذاکرات دیاں گلاں ہو رہیاں نیں۔ اس توں علاوہ سلمان اکرم راجا نے آکھیا کہ پی ٹی آئی وچ کھچل (انتشار) دی کیفیت عمران خان نال ملاقات نہ ہون پاروں (وجہ توں) اے، اسیں چاہندے آں بانی نال ملاقات ہووے تے اوہناں دیاں ہداہتاں آؤن، عمران خان دیاں ہداہتاں نہ آؤن تے ملاقات نہ ہون نال لیڈرشپ دباؤ وچ اے۔