بھارتی بیان مسترد، افغانستان چ جائز اہداف نوں نشانہ بنایا: پاکستان
بھارت دا بیان مسترد، افغانستان چ جائز اہداف نوں نشانہ بنایا: پاکستان
اسلام آباد (وقائع نگار ): پاکستان نے افغانستان چ دہشت گرداں دے خلاف کارروائی بارے بھارتی بیان نوں من گھڑت قرار دے کے مسترد کر دتا اے۔ ترجمان دفترِ خارجہ طاہر اندرابی دا کہنا اے کہ بھارتی وزارتِ خارجہ دا بیان بے بنیاد تے سچائی توں دور اے، پاکستان نے افغانستان چ دہشت گرداں دے ٹھکانیاں دے خلاف اپنی جائز کارروائیاں کیتیاں نیں۔
اوہناں ہور آکھیا کہ:
- بھارت غیر قانونی طور تے مقبوضہ جموں و کشمیر چ کشمیری لوکاں دے حقِ خودارادیت نوں دبا رہیا اے۔
- بھارت افغان دھرتی نوں پاکستان دے خلاف استعمال کردا اے تے دہشت گرد گروہاں دی پشت پناہی کر رہیا اے۔
- بھارت یو این (سلامتی کونسل) دیاں پابندیاں دی خلاف ورزی کر کے علاقے دے امن نوں خراب کر رہیا اے، ایس لئی دوجے ملکاں دے اندرونی معاملیاں چ دخل دین والے ملک دا بیان مضحکہ خیز اے۔
- پاکستان اپنے شہریاں دی حفاظت لئی عالمی قنون دے مطابق ہر ضروری قدم چوکدا رہے گا۔
پاکستان تے بھارت وچکار قیدیاں دی لسٹاں دا تبادلہ
اسلام آباد (وقائع نگار، مانیٹرنگ ڈیسک): پاکستان تے بھارت دے درمیان قونصلر رسائی دے 2008 دے معاہدے دے تحت قیدیاں دی لسٹاں دا تبادلہ کیتا گیا اے۔ قنون دے مطابق دوویں ملک ہر سال یکم جنوری تے یکم جولائی نوں لسٹاں دین دے پابند ہوندے نیں۔
