کوئٹہ توں پشاور جان والی مسافر بس کھائی وچ ڈگ پئی، 40 بندے جاں بحق
کوئٹہ: خیبرپختونخوا دے علاقے دانا سر وچ مسافر بس کھائی وچ ڈگڻ نال 40 بندے جاں بحق جبکہ کئی زخمی ہو گئے۔
ضلعی انتظامیہ دے مطابق مسافر بس کوئٹہ توں پشاور جا رہی سی کہ ژوب تے ڈیرہ اسماعیل خان دے درمیانی علاقے دانا سر وچ افسوسناک حادثہ پیش آیا، حادثے وچ کئی بندے زخمی ہوئے نیں، 8 زخمیاں نوں ہسپتال منتقل کر دتا گیا اے۔
وزیراعلیٰ بلوچستان دے معاون شاہد رند نے کہیا اے کہ حادثے وچ جاں بحق بندیاں دی گنتی 40 ہو گئی اے، بس حادثے وچ 8 بندے زخمی ہوئے۔
شاہد رند نے کہیا کہ ضلعی انتظامیہ، ریسکیو ادارے تے متعلقہ محکمے زخمیاں نوں چٹ پٹ (فوری) طبی امداد دی فراہمی وچ مصروف نیں؟۔
اوہناں نے ہور بتایا کہ مڈھلی (ابتدائی) معلومات دے مطابق حادثے دا شکار بس وچ اپنے مسافروں توں علاوہ اک خراب ہوݨ والی دوجی بس دے مسافر وی سوار سن۔
اس توں پہلاں ڈپٹی کمشنر شیرانی ولی کاکڑ دے مطابق ریسکیو اہلکاراں ولوں زخمیاں نوں کڈھݨ تے امدادی سرگرمیاں جاری نیں، اوکھے (دشوار گزار) علاقے دے باوجود ریسکیو ٹیماں امدادی کارروائیاں وچ مصروف نیں؟۔
ولی کاکڑ نے کہیا کہ زخمیاں نوں فوری طبی امداد دی فراہمی تے نیڑے دے ہسپتالاں وچ منتقل کرݨ دا عمل جاری اے، ضلعی انتظامیہ صورتحال دی لگاتار نگرانی کر رہی اے، امدادی کارروائیاں مکمل ہوݨ توں بعد گنتی دا پکا پتا لایا جائے گا۔
محکمہ صحت دے حکام دے مطابق بلوچستان دے نیڑے دے ہسپتالاں وچ ایمرجنسی نافذ کر دتی گئی۔
صدرِ مملکت آصف علی زرداری نے ژوب شیرانی شاہراہ تے مسافر بس حادثے تے ڈونگھے دکھ تے افسوس دا اظہار کیتا اے تے متعلقہ اداروں نوں زخمیاں نوں ہر ممکن تے بہترین طبی سہولتاں دی فراہمی یقینی بناؤݨ دی ہدایت کیتی اے۔
