وزیر اعظم شہباز شریف علی خامنہ ای شہید دے جنازے وچ شرکت لئی ایران پہنچ گئے
اسلام آباد: وزیر اعظم محمد شہباز شریف ایران دے سابق سپریم لیڈر آیت اللہ سید علی خامنہ ای شہید دی نمازِ جنازہ وچ شرکت لئی تہران پہنچ گئے۔
وزیر اعظم دفتر دے مطابق وزیرِ اعظم محمد شہباز شریف اپنے اک روزہ دورہ ایران لئی اسلام آباد توں تہران پہنچے نیں، مہر آباد ایئرپورٹ اُتے ایران دے وزیرِ داخلہ سکندر مومنی، پاکستان دے سفیر عمران احمد صدیقی تے پاکستان و ایران دے اعلیٰ سفارتی حکام نے وزیر اعظم دا استقبال کیتا۔
سپیکر قومی اسمبلی سردار ایاز صادق، نائب وزیرِ اعظم سینیٹر محمد اسحاق ڈار، چیف آف آرمی سٹاف فیلڈ مارشل سید عاصم منیر، وزیرِ اطلاعات و نشریات عطا اللہ تارڑ، چیئرمین پاکستان پیپلز پارٹی بلاول بھٹو زرداری، نیر بخاری، وزیرِ اعلیٰ سندھ سید مراد علی شاہ تے ارکانِ پارلیمان وزیرِ اعظم دے ہمراہ آخری رسومات وچ شرکت کرن گے۔
وزیر اعظم شہباز شریف تہران وچ ایران دے مرحوم سپریم لیڈر آیت اللہ سید علی خامنہ ای دی آخری رسومات وچ شرکت کرن گے، وزیر اعظم پاکستانی عوام تے حکومت ولوں ایرانی قیادت تے سوگوار خانداناں نال دلی تعزیت دا اظہار کرن گے تے غم دی ایس گھڑی وچ برادر ایرانی قوم دے نال پاکستان دی مکمل یکجہتی دا اعادہ کرن گے۔
وزیرِ اعظم سید علی خامنہ ای دی آخری رسومات وچ شرکت توں بعد تہران توں استنبول روانہ ہون گے۔
