وزیر اعظم، فیلڈ مارشل تے پاکستانی وفد دی خامنہ ای دے جنازے وچ شرکت، خراج عقیدت پیش
تہران : اسلامی جمہوریہ ایران دے صدر، عزت مآب ڈاکٹر مسعود پزشکیان دی دعوت اُتے وزیراعظم محمد شہباز شریف نے اسلامی جمہوریہ ایران دے مرحوم سپریم لیڈر، آیت اللہ سید علی خامنہ ای، دے جنازے وچ شرکت کیتی۔
مرحوم سپریم لیڈر 28 فروری 2026 نوں ایران اُتے ہون والے حملیاں دے دوران جامِ شہادت نوش کر گئے سن، وزیراعظم نے پاکستان دے اعلیٰ سطحی وفد دی قیادت کیتی۔
وفد وچ نائب وزیراعظم تے وزیر خارجہ سینیٹر محمد اسحاق ڈار، چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر، وفاقی وزیر داخلہ سید محسن نقوی، وفاقی وزیر اطلاعات عطاء اللہ تارڑ، چیئرمین پاکستان پیپلز پارٹی بلاول بھٹو زرداری تے ہور اعلیٰ حکومتی حکام شامل سن۔
اس پُرملال موقع اُتے شہباز شریف نے اسلام لئی شہید سپریم لیڈر دیاں گراں قدر خدمات نوں خراجِ عقیدت پیش کردیاں ہوئیاں آکھیا کہ انہوں نے کئی دہائیاں تک غیر معمولی بصیرت، حکمت تے دوراندیشی دے نال ایرانی قوم دی رہنمائی کیتی۔
وزیراعظم نے سپریم لیڈر، آیت اللہ سید مجتبیٰ حسینی خامنہ ای، صدر ڈاکٹر مسعود پزشکیان تے برادر عوامِ ایران دے نال اس قومی سانحے اُتے مکمل یکجہتی دا اظہار کیتا تے شہید رہنما دے درجات دی بلندی تے مغفرت لئی دعا کیتی۔
سینیٹ چیئرمین سید یوسف رضا گیلانی تے سپیکر قومی اسمبلی سردار ایاز صادق دی قیادت وچ پارلیمانی وفد، ارکانِ پارلیمان تے وزیراعلیٰ سندھ سید مراد علی شاہ نے بھی شہباز شریف دے ہمراہ جنازے وچ شرکت کیتی۔
مزید برآں نمازِ جنازہ وچ شرکت توں بعد وزیراعظم جیہڑے اج ہی تہران پہنچے سن، اپنے سرکاری دورۂ ترکیہ لئی استنبول روانہ ہو گئے۔
