سندھ: حادثے دا شکار بندے دا معاوضہ 20 ہزار توں ودھا کے 7 لکھ روپے کر دتا گیا
سندھ وچ موٹر تھرڈ پارٹی انشورنس دے تحت حادثے دا شکار بندیاں دا معاوضہ ودھا دتا گیا۔
ایس ای سی پی دے مطابق حادثے دا شکار بندے دا معاوضہ 20 ہزار توں ودھا کے 7 لکھ روپے مقرر کیتا گیا اے جیہڑا متاثرین نوں عدالت توں بغیر تے خودکار نظام دے تحت فوراً ملے گا۔
ایس ای سی پی نے دسیا کہ کمرشل گڈیاں دی انشورنس پالیسیاں وچ ریکارڈ 1300 فیصد وادھا ہویا اے، گڈیاں دی انشورنس پالیسیاں 11 ہزار توں ودھ کے اک لکھ 65 ہزار توں ٹپ گئیاں نیں۔
ایس ای سی پی دا کہنا سی کہ موٹر انشورنس دا دائرہ کار پنجاب، خیبرپختونخوا تے بلوچستان تیکر ودھان دی تیاری کیتی جا رہی اے۔
ایہدے توں وکھ ریٹائرڈ بندیاں لئی لائف انشورنس اینیوٹی پروڈکٹس متعارف کروایا جا رہیا اے۔
ایس ای سی پی دے مطابق فصلاں دی انشورنس لئی انشورنس کمپنیاں دا کنسورشیم قائم کیتا گیا اے جد کہ ملک وچ تکافل سیکٹر دا شیئر 14 فیصد تیکر اپڑ گیا اے جیہدے لئی نویاں گائیڈ لائنز جاری کر دتیاں گئیاں نیں۔
