پمز کی صورتحال آئیڈیل نہیں ، کوتاہیاں موجود ہیں :وزیر صحت

ہر گلی وچ وی ہسپتال بنا کے مریزاں دی گنتی دا مقابلہ نہیں کر سکدے، خطاب

اسلام آباد (نیوز رپورٹر)

وفاقی وزیرِ صحت سید مصطفیٰ کمال نے آکھیا اے کہ پاکستان انسٹی ٹیوٹ آف میڈیکل سائنسز (پمز) وچ صورتحال آئیڈیل نہیں، انتظامی کوتاہیاں موجود نیں، تاہم مضبوط بلدیاتی نظام تے مؤثر پرائمری ہیلتھ سسٹم نال حالات بہتر بنائے جا سکدے نیں۔ پمز وچ کارڈیک سینٹر دی تقریب نال خطاب کردیاں انہوں نے آکھیا کہ یہ ہسپتال 1984 وچ صرف 7 لکھ آبادی لئی بنایا گیا سی، جبکہ اج اسلام آباد دی آبادی 50 لکھ تیکر پہنچ چکی اے تے روزانہ 7 توں 9 ہزار مریز ایتھے آؤندے نیں۔

انہوں نے آکھیا کہ نزلہ، زکام تے بخار ورگے معمولی روگاں لئی وی لوک وڈے ہسپتالاں دا رخ کردے نیں، کیونکہ بنیادی صحت دا نظام کمزور اے۔ پمز وچ دل دے مریزاں لئی فیراپلس مشین فعال کر دتی گئی اے جس نال مستحق مریزاں نوں مفت علاج دی سہولت ملے گی۔

وزیرِ صحت نے آکھیا:

“پاکستان دی آبادی وچ ہر سال تقریباً 67 لکھ بندیاں دا وادھا ہو رہیا اے، اسیں ہر گلی دے کونے اُتے ہسپتال بنا کے وی مریزاں دی گنتی دا مقابلہ نہیں کر سکدے، اس لئی صرف نویں ہسپتال بنا کے مسئلہ حل نہیں ہوئے گا بلکہ بچیاں دی پیدائش وچ وقفے تے آبادی اُتے قابو پاؤن لئی آگاہی ضروری اے، ملک وچ 68 فیصد بیماریاں گندے پانی پاروں پیدا ہوندیاں نیں۔”