بلوچستان وچ آپریشن، فتنۃ الہندوستان دے 19 دہشت گرد ہلاک، مقابلے وچ فورسز دے 11 جوان شہید۔
سکیورٹی فورسز نے بلوچستان وچ فتنۃ الہندوستان دے دہشت گرداں دے خلاف آپریشن کردیاں ہویاں 19 دہشت گرداں نوں ہلاک کر دتا۔
سکیورٹی ذرائع دے مطابق فورسز نے بلوچستان وچ این 25 تے فتنۃ الہندوستان دے دہشت گرداں دے خلاف آپریشن کیتا جیہدے وچ 19 دہشت گرد جہنم واصل تے کئی زخمی ہو گئے۔
ذرائع دا دسنیا اے کہ آپریشن دے دوران سکیورٹی فورسز دے 11 جوان وی شہید ہو گئے۔
سکیورٹی ذرائع دا کہنا اے انٹیلی جنس بیسڈ آپریشن این 25 تے جھاؤ کراس تے کرارو دے وچکار کیتا گیا، ہلاک دہشت گرد مسافراں تے مقامی شہریاں توں بھتہ وصول کرن وچ مصروف سن۔
ذرائع دے مطابق عوام دی جان و مال تے شاہراہواں دا تحفظ کیتا جائے گا، بلوچستان دے امن نوں یرغمال بناؤن دی ہر کوشش دا جواب دتا جائے گا۔
