اسلام آباد: ضلعی عدلیہ وچ سول ججز دی بھرتی لئی درخواستاں منگ لئیاں گئیاں
اسلام آباد
وفاقی دارالحکومت وچ مقدمیاں دی تیزی نال ودھدی ہوئی گنتی نوں ویکھدیاں ہوئیاں ضلعی عدلیہ وچ نویں ججز لاءن دا فیصلہ کر لیا گیا اے۔ اسلام آباد ہائیکورٹ نے ضلعی عدلیہ وچ نویں سول ججز دی بھرتی دا کم شروع کردیاں ہوئیاں سول ججز تے فیملی زنانہ سول ججز دیاں خالی اسامیاں اُتے بھرتی لئی 31 جولائی تک درخواستاں منگ لئیاں ہن۔
اعلامیے دے مطابق، بھرتیاں وچ 50 فیصد کوٹہ پورے پاکستان دے امیدواراں لئی جبکہ 50 فیصد کوٹہ اسلام آباد دا ڈومیسائل رکھن والے امیدواراں لئی پکا ہوئے گا۔ اہلیت دے ناپ تول (معیار) دے مطابق امیدوار لئی گھٹو گھٹ دو سال وکالت دا عملی تجربہ لازمی قرار دتا گیا اے، جبکہ درخواست دین والے دی زیادہ توں زیادہ عمر 35 سال متھ دتی گئی اے۔
