“چیک باؤنس کیس: ضمانت خارج، ملزم دی بھجن (فرار) دی کوشش”
ہائیکورٹ توں بھجن دی کوشش اُتے دونویں دھراں وچ جھیڑا، پولیس نے ملزم نوں دبوچ لیا؛ علی اکبر نے 14 کروڑ روپے دے چیک دتے سن جیہڑے کیش نہیں ہوئے: وکیل مدعی
لاہور (کورٹ رپورٹر)
لاہور ہائیکورٹ نے 14 کروڑ روپے دے چیک باؤنس کیس وچ ضمانت دی درخواست خارج کر دتی، نامزد ملزم نے بھجن دی کوشش کیتی تاں دونویں دھراں (فریقین) آپس وچ بھِڑ پیاں۔
تفصیلات دے مطابق، جسٹس عبہر گل نے ملزم علی اکبر دی عبوری ضمانت اُتے سماعت کیتی۔ مدعی دے وکیل احمد شیر جٹ نے دلیلاں دیندیاں آکھیا کہ ملزم نے غلہ منڈی توں 14 کروڑ روپے دا مال خرید کے چیک دتے سن جیہڑے بینک توں پاس نہیں ہو سکے، ایس لئی ایہدی ضمانت خارج کیتی جائے۔ عدالت نے دلیلاں سنن توں بعد درخواست خارج کر دتی۔
ضمانت خارج ہوندیاں ہی ملزم نے کچہری دے احاطے توں بھجن دی کوشش کیتی، پر مدعی دھُر نے اوہنوں پھڑن دی کوشش کیتی جیدے پاروں دونویں آمنے سامنے آ گئے تے جھگڑا ہو گیا۔ موقعے اُتے موجود پولیس نے ملزم نوں عدالت دے احاطے توں ہی گرفتار کر لیا۔ ملزم دے خلاف تھانہ پاکپتن پولیس نے مقدمہ درج کیتا ہویا اے۔
