“امید اے پاک امریکا ڈائریکٹ فلائٹس چھیتی شروع ہون گیاں: نیٹلی بیکر”

ڈائریکٹ فلائٹس نال دوہاں ملکاں وچ رابطیاں تے تعلقات نوں ہور ہلا شیری ملے گی، مینوں پاکستانی سمجھے جان تے خوشی ہوندی اے، ایس سال شمالی علاقہ جات دا سفر کراں گی

اسلام آباد: امریکی ناظم الامور نیٹلی بیکر نے امید جتائی اے کہ پاکستان تے امریکا دے وچکار ڈائریکٹ فلائٹس چھیتی شروع ہو جان گیاں۔ جاری ہوئے بیان دے مطابق امریکی ناظم الامور نیٹلی بیکر نے آکھیا اے کہ ایران تے امریکا دے وچکار پاکستان نے ثالثی دا تریخی تے مثال قائم کرن والا کردار نبھایا اے۔ دوہاں ملکاں نال پرانے تعلقات پاروں پاکستان ہی ایہ کردار نبھا سکدا سی۔ نیٹلی بیکر نے نال ہی امید جتائی اے کہ پاکستان تے امریکا دے وچکار ڈائریکٹ فلائٹس چھیتی شروع ہو جان گیاں۔ ڈائریکٹ فلائٹس نال دوہاں ملکاں وچ آپسی رابطیاں تے تعلقات نوں ہور فروغ ملے گا۔ امریکی ناظم الامور دا کہنا سی کہ مینوں پاکستانی سمجھے جان تے خوشی ہوندی اے، ایس سال پاکستان دے شمالی علاقہ جات دا سفر کراں گی۔