“جمہوریہ کروشیا دے وزیر خارجہ اج سرکاری دورے تے پاکستان اپڑن گے”

اسلام آباد: نائب وزیراعظم تے وزیر خارجہ سینیٹر محمد اسحاق ڈار دی دعوت تے جمہوریہ کروشیا دے وزیر برائے خارجہ تے یورپی امور ڈاکٹر گورڈن گرلیچ راڈمین اج پاکستان دا سرکاری دورہ کرن گے، ایہ کسے بھی کروشیائی وزیر خارجہ دا پاکستان دا پہلا تریخی دورہ ہوئے گا۔

دورے دے دوران نائب وزیراعظم تے وزیر خارجہ محمد اسحاق ڈار تے کروشیا دے وزیر خارجہ دے وچکار وفداں دی پدھر (سطح) تے مذاکرات ہون گے، جنہاں وچ دوہاں ملکاں دے وچکار دوطرفہ تعلقات دے سارے پاسیاں دا پورا جائزہ لیا جائے گا۔ مذاکرات دے دوران تجارت، سرمایہ کاری، ویزا سہولت، تعلیم، دفاع، (آئی ٹی) تے سمندری تعاون سمیت آپسی دلچسپی دے وکھو وکھ شعبیاں وچ تعاون نوں ہور ودھاؤن دے امکاناں تے گل بات کیتی جائے گی۔ ڈاکٹر گورڈن گرلیچ راڈمین وزیراعظم تے چیئرمین سینیٹ نال بھی ملاقات کرن گے۔