بلوچستان توں ٹرین سروس اک دن لئی معطل
محکمہ ریلویز نے بلوچستان توں ٹرین سروس اج اک دن لئی معطل کر دتی۔
ریلوے حکام دے مطابق ٹرین سروس ریلوے ٹریک تے مرمت دے کماں پاروں معطل کیتی گئی اے۔
حکام نے دَسیا کہ اج پشاور جان والی جعفر ایکسپریس دی روانگی منسوخ کر دتی گئی اے، پشاور توں کوئٹہ آون والی جعفر ایکسپریس جیکب آباد تیکر محدود رہے گی۔
ایہدے توں وکھ، ٹرین دی معطلی پاروں مسافروں نوں ٹکٹ دی پوری رقم واپس کیتی جائے گی۔
