“مہاجرین کشمیر دیاں سیٹاں ختم نہیں ہون دیاں گے: سعد رفیق”

دنیا وچ شاید ہی کوئی قوم کشمیراں توں ودھ کے پاکستان نال محبت کردی ہووے، سیاسی استحکام تے جمہوریت ہی پاکستان دے روشن مستقبل دی ضمانت اے، خطاب

اٹک: سابق وفاقی وزیر خواجہ سعد رفیق نے آکھیا اے کہ آزاد کشمیر دیاں مہاجر سیٹاں کسے وی صورت وچ ختم نہیں ہون دیاں گے، اٹک وچ شیخ آفتاب احمد دی رہائش گاہ تے پارٹی ورکرز تے رہنماواں نال خطاب کردیاں سعد رفیق نے آکھیا کہ پاکستان تے کشمیری عوام دا رشتہ کدی نہ ٹٹن والا اے، دنیا وچ شاید ہی کوئی قوم کشمیراں توں ودھ کے پاکستان نال پیار کردی ہووے۔ پاکستان نے ہمیشہ کشمیری عوام دی سیاسی، سفارتی تے اخلاقی حمایت کیتی اے، مسئلہ کشمیر دا حل اقوامِ متحدہ دیاں قرارداواں تے کشمیری عوام دی مرضی دے مطابق ہونا چاہیدا اے۔ جے الیکشن دے نظام وچ خرابیاں ہیگیاں نیں تاں اوہناں نوں ٹھیک کیتا جائے، نظام نوں مکانا کسے مسئلے دا حل نہیں۔

سعد رفیق دا کہنا سی کہ احتجاج کرنا ہر شہری دا آئینی حق اے، پر ایسا احتجاج لوکاں لئی مشکلاں دا کارن نہیں بننا چاہیدا۔ سعد رفیق نے آکھیا کہ کشمیر توں کراچی تیکر قومی اتحاد، سیاسی استحکام تے جمہوریت ہی پاکستان دے روشن مستقبل دی ضمانت نیں۔