گلگت بلتستان وچ سانوں مخصوص سیٹاں گھٹ ملیاں: نیئر بخاری”

جی بی نوں قومی اسمبلی وچ نمائندگی دین وچ کوئی حرج نہیں، سیکرٹری جنرل پی پی

اسلام آباد: پاکستان پیپلز پارٹی دے سیکرٹری جنرل نیئر حسین بخاری نے آکھیا اے کہ اسیں گلگت بلتستان دے لوکاں دی خدمت کراں گے، گلگت بلتستان وچ الیکشن دے نتائج توں بعد پیپلز پارٹی سادہ اکثریت نال حکومت بنا سکدی سی پر الیکشن کمیشن دے کجھ فیسلیاں پاروں سانوں مخصوص سیٹاں گھٹ ملیاں۔ پیپلز پارٹی دی لیڈرشپ نے گلگت بلتستان نوں حقوق دوائے ایس لئی لوکاں ولوں بھرواں ہنگارا (پذیرائی) ملیا۔ پیپلز پارٹی سمجھدی اے کہ گلگت بلتستان نوں قومی اسمبلی وچ نمائندگی دین وچ کوئی ہرج نہیں۔

بلاول بھٹو زرداری نے اسمبلی فلور تے کشمیر تے گلگت بلتستان دے نمائندیاں نوں قومی اسمبلی تے سینیٹ وچ عارضی (عبوری) نمائندگی دین دی تجویز دتی اے، دوجیاں سیاسی جماعتاں نال وی گل بات کراں گے کہ گلگت بلتستان نوں آئینی حقوق دتے جان۔ وزیراعظم شہباز شریف نے جمہوری سوچ دے نال بلاول بھٹو نوں حکومت بنان دی پیشکش کیتی، بلاول کشمیریاں تے بھارتی فوجاں تے نریندر مودی دے ظلماں دے خلاف اک تکڑی آواز نیں۔