“جی بی وچ بلدیاتی الیکشن ستمبر دی بجائے اکتوبر وچ کران دا اعلان”
انتخابی نشان یکم ستمبر نوں الاٹ ہون گے، چیف الیکشن کمشنر گلگت بلتستان دی پریس کانفرنس
گلگت: چیف الیکشن کمشنر گلگت بلتستان راجہ شہباز خان نے بلدیاتی الیکشن دے بارے آکھیا اے کہ بلدیاتی الیکشن لئی کاغذاتِ نامزدگی دی جانچ پڑتال 10 اگست توں شروع ہووے گی، اپیلاں 18 توں 21 اگست تیکر دائر کیتیاں جا سکن گیاں، اپیلاں تے فیصلے 22 توں 28 اگست تیکر ہون گے تے امیدواراں دی آخری (حتمی) لسٹ 29 اگست نوں جاری کیتی جائے گی۔
بدھ والے دن پریس کانفرنس کردیاں اوہناں دَسیا کہ انتخابی نشاناں دی الاٹمنٹ یکم ستمبر نوں کیتی جائے گی۔ کاغذاتِ نامزدگی جمع کران دی آخری تاریخ وچ ہور دو توں چار دناں دا وادھا (توسیع) کیتا جائے گا جس پاروں انتخابی شیڈول وچ ماڑا جیا رد و بدل ہووے گا، جدکہ پولنگ ستمبر دی بجائے اکتوبر دے شروع وچ ہووے گی۔ چیف الیکشن کمشنر نے صاف آکھیا کہ بلدیاتی الیکشن سیاسی جماعتاں دی بنیاد (پارٹی بیسز) تے ہون گے تے ایس سلسلے وچ لاگو قانون تے پورا عمل کیتا جائے گا۔
