ہاسٹل وچ رہن والیاں 4 طالبات نوں سانپ نے ڈس لیا، اک طالبہ ہلاک
بھارت وچ اک ہاسٹل وچ رہن والیاں 4 طالبات نوں سانپ نے ڈس لیا جیہدے نتیجے وچ اک طالبہ چل رسی۔
بھارتی میڈیا دے مطابق ایہ واقعہ ریاست جھارکھنڈ دے قصبے لوہارڈگا دے مقامی اسکول دے ہاسٹل وچ پیش آیا جتھے طالبات اک کمرے وچ سوتیاں ہوئیاں سن کہ سانپ نے اوہناں نوں ڈس لیا جیہدے توں ہاسٹل وچ افراتفری مچ گئی۔
انتظامیہ ولوں طالبات نوں طبی علاج لئی فوراً ہسپتال منتقل کیتا گیا جتھے اک طالبہ دم توڑ گئی جد کہ دوجیاں تن طالبات زیرِ علاج نیں۔
میڈیا رپورٹس دے مطابق ہلاک ہون والی طالبہ دی پچھان 12 سالہ ورشا دے نام توں ہوئی اے جد کہ واقعے توں بعد طالبہ دے لواحقین تے مقامی لوکاں نے پولیس وچ شکایت درج کرا دتی اے۔
