سکیورٹی خدشات: ٹرمپ نے ترکیے توں واپسی تے قطر دے دتے ہوئے جہاز دی بجائے پرانے ائیرفورس ون وچ سفر کیتا
امریکی میڈیا نے انکشاف کیتا اے کہ صدر ڈونلڈ ٹرمپ نے انقرہ توں واپسی تے ایران نال کشیدگی دے پس منظر وچ سیکرٹ سروس دے آکھن تے پرانے جہاز وچ سفر کیتا۔
امریکی اخبار نیویارک ٹائمز دے مطابق نیٹو کانفرنس دے خاتمے تے ٹرمپ نے قطر توں تحفے وچ ملے جہاز دی بجائے ائیرفورس ون وچ سفر کیتا سی۔
خود ٹرمپ توں جڈوں پچھیا گیا تے اوہناں نے آکھیا کہ اوہ اس لسٹ وچ پہلے نمبر تے نیں جنہاں نوں ایران قتل کرنا چاہندا اے پر جہاز دی تبدیلی دا سکیورٹی خدشات نال کوئی تعلق نہیں۔
امریکی میڈیا دے مطابق ٹرمپ نے جس پرانے ائیرفورس ون وچ سفر کیتا اس پرواز وچ باریاں (کھڑکیاں) دے شیڈز اوپر کرن دی اجازت نہیں سی۔
رپورٹ وچ اے بھی دسیا گیا کہ اس جہاز نے دورانِ پرواز اپنا ٹریکر بھی بحیرہ اسود پار کرن تک بند رکھیا سی۔
