ویڈیو: چین نے پہلی واری دوبارہ قابلِ استعمال راکٹ نوں کامیابی نال زمین تے اتار لیا
چین نے پہلی واری دوبارہ استعمال دے قابل راکٹ نوں کامیابی نال واپس زمین تے اتار لیا۔
خبر ایجنسی دے مطابق چین نے جنوبی صوبے ہائنان دے وینچانگ خلائی لانچ مرکز توں لانگ مارچ-10B کیریئر راکٹ کامیابی نال لانچ کیتا۔
حکام دے مطابق پہلی واری کسے کیریئر راکٹ دے پہلے مرحلے دی کنٹرولڈ ریکوری بھی کامیابی نال انجام دتی گئی۔
رپورٹ دے مطابق راکٹ دے بوسٹر تے Upper Stage دی علیحدگی دے تقریباً چھ منٹ بعد بوسٹر نے سدھے (عمودی) انداز وچ واپسی کیتی تے سمندر وچ موجود ایک آف شور پلیٹ فارم تے کامیابی نال ریکور کیتا۔
روایتی طور تے راکٹ دے وکھو وکھ حصے پرواز دے دوران ضائع ہو جاندے نیں، جس پاروں خلائی مشنز دی لاگت بہت زیادہ ہوندی اے، پر راکٹ دے سب توں قیمتی حصے بوسٹر نوں دوبارہ استعمال کرن نال سیٹلائٹ لانچنگ تے خلائی تحقیق دے خرچیاں وچ واہوا کمی ممکن اے۔
اسپیس ایکس نے دسمبر 2015 وچ پہلی واری فالکن 9 راکٹ نوں مدار وچ پرواز توں بعد کامیابی نال لینڈ کرایا سی، جدکہ بلو اوریجن نے نومبر 2025 وچ نیو گلین راکٹ دی کامیاب لینڈنگ کیتی۔
