سربراہ پاک بحریہ دی برطانوی وائس چیف آف ڈیفنس سنے اعلیٰ حکام نال ملاقاتاں

اسلام آباد: پاک بحریہ دے سربراہ ایڈمرل ظفر محمود عباسی نے دورہ برطانیہ دے دوران برطانوی وائس چیف آف ڈیفنس، کمانڈر آپریشنز رائل نیوی تے کمانڈنٹ رائل کالج آف ڈیفنس سٹڈیز نال ملاقاتاں کیتیاں۔

نیول چیف نے خطے وچ سمندری تحفظ تے امن یقینی بنان لئی پاک بحریہ دے کردار نوں اجاگر کیتا۔ ترجمان پاک بحریہ دے مطابق امیر البحر ایڈمرل ظفر محمود عباسی نے دورہ برطانیہ دے آخری مرحلے وچ اہم ملاقاتاں کیتیاں تے رائل کالج آف ڈیفنس سٹڈیز وچ خطاب کیتا۔ نیول چیف دی برطانوی وائس چیف آف ڈیفنس، کمانڈر آپریشنز رائل نیوی تے کمانڈنٹ رائل کالج آف ڈیفنس سٹڈیز نال ملاقاتاں وچ دوطرفہ بحری تعاون دے فروغ تے تبادلہ خیال کیتا۔ نیول چیف نے رائل کالج آف ڈیفنس سٹڈیز وچ طلباء تے اساتذہ نال خصوصی خطاب وچ دنیا تے خطے دی بدلدی ہوئی سکیورٹی صورتحال دا احاطہ کیتا جد کہ علاقائی سکیورٹی، بحری فوجاں دے کردار تے وی روشنی پائی۔

پاک بحریہ دے سربراہ نے برطانوی تھنک ٹینک رائل یونائیٹڈ سروسز انسٹیٹیوٹ وچ وی خطاب کیتا۔ ترجمان دا کہنا اے نیول چیف دا ایہ دورہ پاکستان تے برطانیہ دی بحری فوجاں وچکار تعلقات نوں ہور فروغ دیوے گا۔

اپنا تبصرہ گھلو