امریکا تے ایران وچالے کھِچ تان (کشیدگی) دے باوجود آبنائے ہرمز توں 9 بحری جہاز لنگھ گئے

عالمی مارکیٹ متاثر ہوݨ نال پاکستان وچ وی تیل مہنگا ہوݨ دا خطرہ

اسلام آباد (ذیشان یوسفزئی) ایران ولوں آبنائے ہرمز نوں بند کرن دے اعلان توں بعد جے صورتحال کھِچ تان (کشیدہ) والی رہی تاں ایہدا اثر عالمی توانائی مارکیٹ اُتے وی پئے گا، جس توں پاکستان وچ وی پٹرولیم مصنوعات مہنگیاں ہوݨ دا خطرہ ظاہر کیتا جا رہیا اے۔

ونڈورڈ دی تجزیاتی رپورٹ دے مطابق لنگھی رات (11 جولائی شام 6 بجے توں 12 جولائی سویرے 6 بجے تیکر) AIS راہیں ٹریک کیتی جاݨ والی بحری تجارتی آمد و رفت دے دوران مجموعی طور اُتے آبنائے ہرمز توں 9 جہاز لنگھے، ایہناں وچوں 4 جہازاں اُتے ایرانی جھنڈا لگا ہویا سی۔ مجموعی طور اُتے جے جائزہ لیا جاوے تاں 11 تے 12 جولائی دے دوران آبنائے ہرمز وچ 17 بحری جہازاں نوں ٹریک کیتا گیا۔

ونڈورڈ دے مطابق ایہ پیش رفت اک کنٹینر بردار جہاز اُتے حملے تے آبنائے ہرمز دی ممکنہ بندش دیاں خبراں توں بعد ساہمنے آئی اے۔ جے کھِچ تان برقرار رہی تاں اثر عالمی توانائی مارکیٹ اُتے وی آئے گا تے پاکستان وچ پٹرولیم مصنوعات دیاں قیمتاں اُتے اثر پئے گا۔ حکومت نے جمعے دے دیہاڑ پٹرولیم مصنوعات دیاں قیمتاں وچ وادھا کیتا اے، جے آبنائے ہرمز دی صورتحال ایویں ہی رہی تاں آؤندے جمعے نوں اک واری پھر پٹرول تے ڈیزل مہنگا ہوݨ دا خطرہ اے۔ پر ایران دے بندش دے اعلان دے باوجود کجھ بحری جہاز اس سمندری لنگھے (گزرگاہ) توں لنگھے نیں۔