سندھ وچ شہری علاقیاں دے حقاں لئی 26 جولائی توں احتجاجی تحریک: مصطفیٰ کمال
کراچی (سٹاف رپورٹر) ایم کیو ایم پاکستان دے سینئر مرکزی رہنما تے وفاقی وزیر صحت سید مصطفیٰ کمال نے آکھیا اے کہ سندھ دی موجودہ حکومت پچھلے 18 سالاں وچ 22 ہزار ارب روپے وفاق توں لین دے باجود سندھ نوں عام طور تے تے کراچی تے حیدرآباد نوں خاص طور تے بنیادی ضرورتاں تیکر مہیا کرن وچ ناکام رہی اے۔
جنرل ورکرز اجلاس نال خطاب کردیاں ہویاں اوہناں نے آکھیا کہ اسیں فیصلہ کیتا اے کہ ملک دے موجودہ گورننس ماڈل نوں مڈھوں بدل دیاں گے تے اختیارات تے وسائل آئینی طور تے پاکستان دے لوکاں دے بوہے (دروازے) تیکر پہنچاواں گے۔ اوہناں نے ہور آکھیا کہ پارٹی وچ موجود گروپ بندی نوں پارٹی دے آئین دے مطابق انٹرا پارٹی چناؤ (انتخابات) نال ای مکایا جا سکدا اے۔ کراچی سمیت سندھ دے شہری علاقیاں نوں اوہناں دے آئینی تے قانونی حق دوان لئی ہر جمہوری راہ اپنایا جائے گا، 26 جولائی توں احتجاجی تحریک دا مڈھ رکھیا (آغاز کیتا) جائے گا۔
