کرپٹو کرنسی دی شرعی حیثیت! بلال بن ثاقب دی مفتی تقی عثمانی نال اہم ملاقات۔
کراچی: معروف ٹیکنالوجی ماہر بلال بن ثاقب نے ممتاز عالمِ دین مفتی تقی عثمانی نال ڈیجیٹل اثاثیاں دی شرعی حیثیت اُتے تعمیری گفتگو کیتی۔
تفصیلات دے مطابق پاکستان وچ بلاک چین تے ڈیجیٹل اثاثیاں دے فروغ تے اوہناں دی شرعی حیثیت نوں واضح کرن لئی اہم پیش رفت ساہمنے آئی اے۔
معروف ٹیکنالوجی ماہر بلال بن ثاقب نے ممتاز عالمِ دین تے اسلامی متبادل مالیاتی نظام دے ماہر مفتی تقی عثمانی نال ملاقات کیتی اے، جس وچ ملک دے مستقبل دے مالیاتی نظام تے ڈیجیٹل اثاثیاں اُتے تعمیری گفتگو کیتی گئی۔
ملاقات توں بعد بلال بن ثاقب نے دَسیا کہ مفتی تقی عثمانی نال ملاقات انتہائی مثبت رہی تے دوہاں شخصیتاں وچکار پاکستان وچ اک محفوظ، ذمہ دارانہ تے جدید مالیاتی نظام دی تشکیل اُتے مکمل اتفاق پایا گیا۔
اوہناں نے آکھیا کہ ساڈی اولین تے سانجھی ترجیح پاکستانی عوام نوں کسے بھی قسم دے آن لائن فراڈ تے مالی نقصان توں بچانا اے۔
