سینیٹ دا 362واں سیشن: 6 ارکان اک دہاڑ (دن) وی ایوان نہ آئے
اسحاق ڈار نے اک دن، اپوزیشن لیڈر نے پنج دہاڑے (دن) اجلاس وچ شرکت کیتی: فافن
اسلام آباد (دنیا نیوز، این این آئی) سینیٹ دے 362ویں سیشن وچ 6 ارکان اک دن بھی اجلاس وچ حاضر نہ ہوئے، سینیٹ اجلاس وچ قائدِ ایوان اسحاق ڈار نے صرف اک دن جدکہ قائدِ حزبِ اختلاف راجہ ناصر عباس نے پنج دن اجلاس وچ شرکت کیتی۔ 10 توں 18 جون تیکر چلن والے سینیٹ اجلاس وچ 32 سینیٹ ارکان نے سارے اجلاساں وچ حاضری دتی۔
فافن دی رپورٹ دے مطابق اجلاس دے پہلے دن سینیٹ ارکان دی حاضری سب توں زیادہ رہی، 95 وچوں 72 سینیٹرز اجلاس وچ شریک ہوئے، اجلاس دی پنجویں تے چھویں نشست وچ ارکان دی حاضری سب توں گھٹ رہی جدکہ 95 وچوں صرف 64 سینیٹرز حاضر ہوئے۔
فافن دے مطابق اجلاس دے دوران 63 سینیٹرز ایسے سن جیہڑے گھٹ توں گھٹ اک دن پورے غیر حاضر رہے، اوہناں دی گنتی (تعداد) 66 فیصد بن دی اے، اک وفاقی وزیر اجلاس وچ اک دن وی شریک نہیں ہوئے
