یورپی ملکاں دا روس تے سائبر مہم چلان دا الزام، نویاں پابندیاں عائد کر دتیاں۔

یورپی ملکاں نے روس تے الزام لایا اے کہ اوہ ای یو (EU) ملکاں دے خلاف سائبر مہم چلا رہیا اے۔

غیر ملکی میڈیا دے مطابق یورپی یونین وچ شامل ملکاں نے روس تے سائبر حملیاں دا الزام لایا اے جد کہ جرمنی نے یورپی ملکاں دے الزام تے روسی سفیر نوں طلب کر لیا اے۔

جرمن وزارت خارجہ دا کہنا اے کہ جرمنی، ای یو پارٹنرز تے یوکرین دے خلاف سائبر حملے ناقابلِ قبول نیں، روسی سائبر حملیاں دا بھرپور تے فیصلہ کن جواب دتا جائے گا جیہدے وچ ہور پابندیاں لانا وی شامل ہو سکدا اے۔

دوجے پاسے یورپی یونین تے برطانیہ نے اج یورپ وچ ہون والے سائبر حملیاں دے سلسلے وچ روس دے خلاف سانجھے طور تے نویاں پابندیاں عائد کر دتیاں نیں Ext۔

یورپی یونین نے 9 روسی شخصیات تے 4 اداریاں تے پابندیاں لائیاں جد کہ برطانیہ نے ہور 24 بندیاں تے اداریاں نوں بلیک لسٹ وچ شامل کر دتا اے۔