انگلینڈ تے ویلز وچ مئی جون دی شدید گرمی نال ممکنہ طور تے 2700 بندے ہلاک ہوئے۔
انگلینڈ تے ویلز وچ مئی جون دی شدید گرمی نال ممکنہ طور تے 2700 بندے ہلاک ہو گئے۔
میڈیا رپورٹس دے مطابق لندن امپریل کالج، میٹ آفس تے لندن اسکول آف ہائی جین اینڈ ٹراپیکل میڈیسن دے ماہرین نے مئی تے جون دی گرمی نال انگلینڈ تے ویلز وچ 2700 شہریاں دی ہلاکت دا اندازہ لایا اے۔
رپورٹس دے مطابق 21 توں 29 مئی تیکر 550 تے 18 توں 28 جون تیکر 2200 بندے ہلاک ہوئے جد کہ جون وچ پین والی گرمی نے 50 سالہ ریکارڈ وی توڑ دتا سی۔
پروفیسر فیڈی اوٹو دا کہنا اے کہ زیادہ اموات جون وچ ہوئیاں، جڈوں درجہ حرارت 37.7 سینٹی گریڈ تیکر جا اپڑیا سی۔
اوہناں نے آکھیا کہ مکمل طور تے صحت مند بندے وی گرمی توں خود نوں محفوظ نہ سمجھن، مستقبل وچ گرمی دیاں لہراں زیادہ عام ہو سکدیاں نیں ۔
ماہرین دے مطابق گرمی دیاں دوویں لہراں ہیٹ ڈوم (Heat Dome) دی وجہ توں پیدا ہوئیاں، شدید گرمی، دل دے دورے، فالج تے دوجیاں جان لیوا بیماریاں دا سبب بن سکدی اے، شدید گرمی خاموش قاتل اے جیہڑی صحت مند بندیاں نوں وی متاثر کر سکدی اے۔
