کیہ تہاڈے کول وی ایس ایم ایس آیا اے؟ ٹریفک پولیس نے خبردار کر دتا۔
کراچی: کراچی ٹریفک پولیس نے جعلی ایس ایم ایس توں عوام نوں خبردار کر دتا اے۔
کراچی ٹریفک پولیس نے شہریاں نوں دَسیا اے کہ کجھ نوسرباز (ٹھگ) بندے 1915 نمبر دے ناں توں جعلی ایس ایم ایس تے ای چالان بارے گمراہ کرن والے پیغام بھیج رہے نیں۔
ٹریفک حکام دا کہنا اے کہ شہری کسے وی شک والے ایس ایم ایس، لنک یا ای چالان دے پیغام اُتے پکی تصدیق کیتے بغیر عمل نہ کرن۔
کراچی ٹریفک پولیس ولوں جاری کیتے جان والے سرکاری پیغام صرف سچے تے اصل ذرائع توں ہی بھیجے جاندے نیں، کسے وی غیر تصدیق شدہ لنک نوں کلک کرن، یا اپنی ذاتی معلومات تے تفصیلاں دسن توں پرہیز کرو۔
ٹریفک حکام دا کہنا اے کہ جے تہاڈوں کسے ایس ایم ایس یا ای چالان بارے کوئی شک ہووے تاں فوراً ہیلپ لائن 1915 اُتے رابطہ کر کے تصدیق کرو۔
