وزیر اعلیٰ پنجاب نے صاف پانی دی تھوڑ والے علاقےآں بارے کیہ حکم دتا اے؟
لاہور (14 جولائی 2026): وزیر اعلیٰ پنجاب مریم نواز نے صاف پانی دی تھوڑ (کمی) والے علاقےآں وچ کلین ڈرنکنگ واٹر دی لوڑ دا تعین کرن دا حکم دے دتا۔
وزیر اعلیٰ پنجاب دی صدارت ہیٹھ خاص اجلاس ہویا، جس وچ پورے صوبے وچ واٹر فلٹریشن پلانٹس دی بحالی دا جائزہ لیا گیا۔ اجلاس نوں بریفنگ وچ دسیا گیا کہ پنجاب وچ زیادہ خراب پانی والے علاقےآں وچ بوٹلنگ پلانٹس چالو کر دتے گئے نیں، خوشاب، ڈی جی خان، بہاولپور تے رحیم یار خان وچ بوٹلنگ پلانٹس تیار نیں، خراب پانی والے علاقےآں وچ پانی دی بوتل ٹرکاں راہیں پہنچائی جائے گی، خوشاب بوٹلنگ پلانٹ دی ڈیجیٹل رپورٹ پیش کیتی گئی، جس دی ہر گھنٹے وچ 50 ہزار واٹر پروڈکشن دی صلاحیت اے۔
مریم نواز نے ہر ضلعے دے ڈپٹی کمشنر نوں خراب پانی والے علاقےآں دی نشان دہی کر کے فوری رپورٹ پیش کرن دی ہدایت کیتی۔ اوہناں نے ضلعی انتظامیہ نوں اوہناں علاقےآں دی نشان دہی کرن دا حکم وی دتا جتھے لوکاں نوں پین لئی صاف پانی دور دراز علاقےآں توں لیانا پیندا اے۔
وزیر اعلیٰ پنجاب نے صاف پانی دی تھوڑ والے علاقےآں وچ کلین ڈرنکنگ واٹر دی لوڑ دا تعین کرن دا حکم دتا، جدکہ خوشاب، ڈی جی خان، رحیم یار خان تے بہاولپور دے ڈپٹی کمشنر توں فوری رپورٹ منگ لئی۔
اجلاس وچ ’سی ایم پنجاب صاف پانی پروجیکٹ‘ دے تحت ہور چار بوٹلنگ پلانٹ بنان دا فیصلہ کیتا گیا۔
بریفنگ وچ ہور دسیا گیا کہ پورے صوبے وچ 2258 واٹر فلٹریشن پلانٹ وی بنن گے، صاف پانی دی فراہمی لئی واٹر ٹینک والے کلسٹر بیسڈ پلانٹ وی قائم کیتے جان گے، پہلے مرحلے وچ بہاولپور ڈویژن وچ 22 تے راجن پور وچ 10 کلسٹر بیسڈ پلانٹ بنن گے۔
مریم نواز نے واٹر فلٹریشن پلانٹس دی بندش تے خرابی دیاں شیکاتاں فوری دور کرن دا حکم دتا، تے ڈپٹی کمشنراں نوں متعلقہ ضلعےآں وچ خراب یا بند فلٹریشن پلانٹس دی بحالی لئی اقدامات پکے کرن دی ہدایت کیتی۔
