پنجاب اسمبلی: فضل الرحمٰن دے بیان دے خلاف دو مذمتی قرارداداں جمع کروا دتیاں گئیاں

پہلی قرارداد آئی پی پی دے شعیب صدیقی تے دوجی حکومتی رکن راحیلہ نے جمع کرائی؛ وطن دے شہدا نوں خراجِ عقیدت، بھڑکاؤ بیان اُتے قانونی کارروائی دا وی مطالبہ

لاہور :

پنجاب اسمبلی وچ جے یو آئی (ف) دے سربراہ مولانا فضل الرحمٰن دے حالیہ بیان دے خلاف دو وکھو وکھریاں مذمتی قرارداداں اسمبلی سیکرٹریٹ وچ جمع کروا دتیاں گئیاں نیں۔

دوناں قرارداداں دی تفصیل ہیٹھ لکھے مطابق اے:

پہلی قرارداد (شعیب صدیقی – آئی پی پی):

اداریاں اُتے تنقید افسوسناک: استحکام پاکستان پارٹی (آئی پی پی) دے ممبر پنجاب اسمبلی شعیب صدیقی ولوں جمع کرائی گئی قرارداد وچ آکھیا گیا اے کہ قومی سلامتی دے اداریاں نوں سیاسی تنقید دا نشانہ بنانا نہایت افسوسناک تے غیر ذمہ دارانہ رویہ اے۔
قومی مفاد دے خلاف: ریاستی اداریاں دے خلاف دتے جان والے اشتعال انگیز (بھڑکاؤ) بیانات قومی مفاد دے الٹ نیں۔
قانونی کارروائی دا مطالبہ: قرارداد وچ پاک فوج تے دوجے سکیورٹی اداریاں دیاں قربانیاں نوں خراجِ عقیدت پیش کردیاں مطالبہ کیتا گیا اے کہ قومی اداریاں دی عزت نوں مٹی وچ رولن والیاں دے خلاف فوراً قانونی کارروائی کیتی جائے۔

دوجی قرارداد (راحیلہ خادم – ن لیگ):

شہدا دا بلند مرتبہ: مسلم لیگ (ن) دی ممبر پنجاب اسمبلی راحیلہ خادم نے اپنی قرارداد وچ آکھیا اے کہ شہدا دیاں عظیم قربانیاں نوں تنخواہ یا کسے مالی فائدے نال جوڑنا اوہناں دے بلند مرتبے تے اوہناں دے گھروالیاں (اہلخانہ) دے جذبات دے سراسر خلاف اے۔
سخت مذمت: اوہناں نے مولانا فضل الرحمٰن دے بیان دی سخت مذمت کردیاں آکھیا کہ ایسے لوکاں دے خلاف سخت ایکشن لیا جائے جیہڑے شہدا دے احترام نوں نقصان پہنچاندے نیں۔
خراجِ عقیدت: پنجاب اسمبلی پاک فوج، قانون نافذ کرن والے اداریاں تے دوجیاں فورسز دے سارے شہدا دی بہادری تے قربانیاں ن