بلوچستان وچ ’’آپریشن شعبان‘‘ جاری، ہور 4 دہشتگرد ہلاک

سکیورٹی فورسز نے خارجیاں نوں ہوائی تے زمینی کارروائیاں راہیں نشانہ بنایا، 5 جولائی توں ہن تیکر آپریشنز وچ 121 دہشتگرد ہلاک ہو چکے نیں: سکیورٹی ذرائع

کوئٹہ، راولپنڈی (آئی این پی، دنیا نیوز):

بلوچستان وچ فتنہ الخوارج دے دہشت گرداں خلاف پاک فوج، فرنٹیئر کور (ایف سی) بلوچستان تے پولیس دا سانجھا (مشترکہ) “آپریشن شعبان” پورے زور و شور نال جاری اے، جس وچ تازہ کارروائیاں دوران ہور 4 خارجی دہشت گرداں نوں مار مکایا گیا اے۔

ذرائع دے مطابق سکیورٹی فورسز نے فتنہ الخوارج دے دہشت گرداں نوں فضائی تے زمینی کارروائیاں راہیں کامیابی نال نشانہ بنایا، جس پاروں دہشت گرداں نوں بھاری نقصان چکنڑاں پیا اے۔ ذرائع دا کہنا اے کہ آپریشن شعبان وچ ہن تیکر ہلاک ہون والے دہشت گرداں دی کل تعداد 88 ہو گئی اے، جدکہ 5 جولائی توں ہن تیکر آپریشن شعبان تے دوجے انٹیلی جنس بیسڈ آپریشنز وچ مجموعی طور تے 121 خارجی دہشت گرد ہلاک ہو چکے نیں۔ آخری دہشت گرد دے خاتمے تیکر بلوچستان وچ آپریشن جاری رہے گا۔