مولانا فضل الرحمن متنازعہ بیان اُتے شہدا دے ٹبراں (خانداناں) توں معافی منگن: رانا تنویر

کالا شاہ کاکو، نارنگ منڈی

وفاقی وزیر برائے قومی غذائی تحفظ تے تحقیق رانا تنویر حسین نے آکھیا اے کہ مولانا فضل الرحمٰن دے افواجِ پاکستان بارے بیان نال نہ صرف شہدا دے ٹبراں (لواحقین) دا دل دُکھیا اے بلکہ پوری قوم دے دلاں نوں ٹھیس پہنچی اے۔

پاک فوج دے جوان تے افسر ملی تے قومی غیرت دے جذبے تے ایمان دے جذبے تھلے اپنی شہادتاں پیش کر کے وطن دی راکھی (دفاع) کردے نیں، کسے تنخواہ یا مراعات لئی نہیں۔ اوہناں نے مولانا دے بیان دی سخت مذمت کردے ہوئے آکھیا کہ ایہدے توں پوری قوم دا دل دُکھیا اے جیہدے اُتے مولانا نوں قوم تے خاص طور اُتے شہدا دے خانداناں توں معافی منگنی چاہیدی اے۔ وفاقی وزیر نے سٹی پریس کلب نارنگ وچ صحافیاں نال گل بات کردے ہوئے آکھیا کہ پاک فوج تے شہدا دیاں لازوال قربانیاں نوں شک دے گھیرے وچ لیاؤن یا بنا وجہ تنقید دا نشانہ بنانا قومی مفاد دے خلاف اے، سیاسی تے قومی لیڈراں نوں اپنے بیاناں وچ وڈی ذمہ داری دا مظاہرہ کرنا چاہیدا اے تاں جے شہدا دے وارثاں، مسلح افواج تے عوام دے جذبات نوں کوئی تلیف نہ پہنچے۔ قومی اداریاں دی عزت تے ملکی مفاداں دی راکھی ساڈی سبھ دی سانجھی ذمہ داری اے۔