کنگ ایڈورڈ یونیورسٹی دا طبی تعلیم وچ اہم (کلیدی) کردار اے: گورنر پنجاب
طب دے شعبے وچ نویں ٹیکنالوجی تے جدید رجحانات توں آگاہی بہت ضروری اے: سلیم حیدر۔ پنجاب وچ صحت دے شعبے وچ تریخی اصلاحات جاری نیں: وزیرِ صحت سلمان رفیق
لاہور
چانسلر/گورنر پنجاب سردار سلیم حیدر خان نے کنگ ایڈورڈ میڈیکل یونیورسٹی دے 19ویں سینیٹ اجلاس دی صدارت کیتی تے مالی سال 27-2026 دے بجٹ سمیت اہم پالیسی فیسلیاں دی متفقہ منظوری دتی۔ گورنر پنجاب نے کنگ ایڈورڈ میڈیکل یونیورسٹی وچ جدید پوسٹ مارٹم رومز تے سووینئر شاپ دا افتتاح وی کیتا۔ صوبائی وزیرِ صحت خواجہ سلمان رفیق وی گورنر پنجاب دے نال سن۔ اس موقعے اُتے گل بات کردے ہوئے گورنر پنجاب نے آکھیا کہ لوکاں نوں طبی سہولتاں فراہم کرنا حکومت دی پہلی ترجیح اے۔ تعلیمی اداریاں وچ میرٹ دا نفاذ وی اولین ترجیح اے۔
اوہناں آکھیا کہ کنگ ایڈورڈ میڈیکل یونیورسٹی دا طبی تعلیم دی ترقی تے تحقیق وچ ہمیشہ توں کلیدی کردار رہیا اے۔ طب دے شعبے وچ نویں ٹیکنالوجی تے جدید رجحانات توں آگاہی بہت ضروری اے۔ پرو چانسلر صوبائی وزیرِ صحت خواجہ سلمان رفیق نے آکھیا کہ وزیراعلیٰ پنجاب دی قیادت وچ صحت دے شعبے وچ تریخی اصلاحات جاری نیں، جدکہ کنگ ایڈورڈ میڈیکل یونیورسٹی طبی تعلیم، تحقیق تے جدت وچ نمایاں کامیابیاں حاصل کر رہی اے۔
وائس چانسلر پروفیسر ڈاکٹر محمود ایاز نے سینیٹ نوں دسیا کہ کنگ ایڈورڈ میڈیکل یونیورسٹی دا QS ورلڈ رینکنگ وچ نمایاں مقام، HEC ولوں 93 اعشاریہ 7 سکور حاصل کرنا، 155 گریجویٹس دا امریکی ریزیڈنسی پروگرامز وچ میچ ہونا تے بائیو بینک، جینوم سیکوینسنگ لیب سمیت کئی منصوبے یونیورسٹی دی شعبہ طب وچ عالمی برتری دا صاف ثبوت نیں۔
اجلاس وچ ممبر پنجاب پبلک سروس کمیشن ڈاکٹر عصمت طاہرہ، ہائر ایجوکیشن کمیشن دے نمائندے پروفیسر فرید احمد خان، سپیشل سیکرٹری سپیشلائزڈ ہیلتھ کیئر اینڈ میڈیکل ایجوکیشن احمد کمال مان، اراکینِ پنجاب اسمبلی فرزانہ عباس تے شہر بانو، ایڈیشنل سیکرٹری گورنر پنجاب جعفر خان، ایڈیشنل سیکرٹری زاہدہ اظہر، پرو وائس چانسلر پروفیسر ڈاکٹر محمد معین، رجسٹرار ڈاکٹر عمر وڑائچ، سینیٹ دے معزز اراکین، ڈینز، پروفیسرز، شعبہ جات دے سربراہان، ملحقہ تدریسی ہسپتالاں دے میڈیکل سپرنٹنڈنٹس تے کنگ ایڈورڈ میڈیکل یونیورسٹی دی فیکلٹی نے شرکت کیتی۔
