خِطّے دیاں مسلم ریاستاں نال تصادم دا ارادہ نہیں، جے امریکی حملے جاری رہے تے جنگ نویں محاذاں تیکر پھیلے گی: ایرانی فوج
ایرانی فوج دے ترجمان محمد اکرمینیا نے آکھیا اے کہ امریکہ نے حملے جاری رکھے تے جنگ دا دائرہ نویں محاذاں تیکر پھیل جائے گا۔
محمد اکرمینیا دا کہنا سی کہ ایران نے اجے اپنی ساریاں عسکری صلاحیتاں استعمال نہیں کیتیاں، دشمن دیاں کاروائیاں جاری رہیاں تے ایران دا جواب حالات دے مطابق تے دشمن دی توقعات توں ودھ کے ہوئے گا۔
اوہناں نے آکھیا کہ ایران دا اپنے ہمسایہ ملکاں یا خطے دیاں مسلم ریاستاں نال تصادم دا کوئی ارادہ نہیں، ایران ہمیشہ علاقائی تعاون تے برادرانہ تعلقات دے فروغ دا خواہاں رہیا اے۔
محمد اکرمینیا نے آکھیا کہ ایرانی مسلح افواج دا اولین مقصد ملک دی سلامتی، قومی مفادات تے وقار دا تحفظ اے، ایرانی مسلح افواج اپنی ذمہ داریاں دی ادائیگی وچ کوئی کسر نہیں چھڈن گیاں۔
