سرکاری ٹیچنگ ہسپتالاں وچ میڈیکولیگل رپورٹس آن لائن کرن دا فیصلہ!
سرکاری ٹیچنگ ہسپتالاں وچ میڈیکولیگل کیساں دی رپورٹنگ آن لائن نہ ہون دا معاملہ اک واری فیر زیر غور آیا، جس تے صوبائی وزیر سپیشلائزڈ ہیلتھ خواجہ سلمان رفیق دی زیر صدارت اہم اجلاس منعقد ہویا۔
اجلاس وچ سیکرٹری سپیشلائزڈ ہیلتھ عظمت محمود، سپیشل سیکرٹری آپریشنز نبیلہ عرفان، ایم ایس میو ہسپتال ڈاکٹر عبدالمدبر ریحان، ایم ایس جنرل ہسپتال ڈاکٹر فریاد حسین، ایم ایس سروسز ہسپتال ڈاکٹر رانا خرم، ایم ایس جناح ہسپتال ڈاکٹر حافظ معین، ایم ایس میاں منشی ہسپتال ڈاکٹر مامون اکبر قریشی سمیت ہور متعلقہ افسران نے شرکت کیتی۔
وزیر سپیشلائزڈ ہیلتھ خواجہ سلمان رفیق نے ہدایت کیتی کہ تمام ٹیچنگ ہسپتالاں وچ میڈیکولیگل سرٹیفکیٹس تے رپورٹس دے اجرا دے عمل نوں فوری طور تے آن لائن کیتا جائے۔
اوہناں نے آکھیا کہ ایم ایس صاحبان ایس حوالے نال اپنی ذمہ داری دا بھرپور مظاہرہ کرن تے نظام نوں جدید خطوط تے استوار کرن لئی مؤثر اقدامات کرن۔
اجلاس وچ سیکرٹری سپیشلائزڈ ہیلتھ عظمت محمود نے واضح کیتا کہ میڈیکولیگل دیاں دستی (مینوئل) رپورٹس کسے صورت برداشت نہیں کیتیاں جان گیاں، تے تمام سرکاری ٹیچنگ ہسپتالاں نوں ڈیجیٹل نظام تے منتقل کرن لئی جلد اقدامات مکمل کیتے جان۔
