پاکستان نے جولائی لئی ایل این جی دا اک ہور سپاٹ کارگو خرید لیا

اسلام آباد (مانیٹرنگ ڈیسک) پاکستان نے جولائی لئی ایل این جی دا اک ہور سپاٹ کارگو خرید لیا اے۔

ذرائع دے مطابق ایل این جی کارگو 20 اعشاریہ 69 ڈالر فی ایم ایم بی ٹی یو دے ریٹ اُتے خریدا گیا اے تے جولائی وچ ہن تک خریدا جان والا ایہہ سبھ توں مہنگا کارگو اے۔ ذرائع نے دسیا کہ ایل این جی کارگو 21 توں 22 جولائی دے وچکار مہیا ہوئے گا، پاکستان ایل این جی لمیٹڈ نے لنگھے دن ایل این جی سپلائی دیاں بولیاں کھولیاں، مجموعی طور اُتے ایل این جی کارگو لئی 2 بولیاں موصول ہوئیاں۔

اک عالمی کمپنی نے 20 اعشاریہ 69 ڈالر فی ایم ایم بی ٹی یو دی سبھ توں گھٹ بولی لائی جدکہ دوجی عالمی کمپنی نے 21 اعشاریہ 37 ڈالر فی ایم ایم بی ٹی یو دی بولی دتی۔