“عام چناؤ توں پہلاں انتخابی قنوناں وچ ترمیم دا فیصلہ، الیکشن کمیشن کمیٹی سرگرم
لیگل ریفارمز کمیٹی عام انتخابات 2024 وچ سامنے آؤن والیاں خامیاں، موجودہ قانون تے آئینی شقاں دا جائزہ لوے گی
ای سی پی الیکشن ایکٹ 2017 تے الیکشن رولز 2017 دا جائزہ دسمبر تیکر مکمل، بلدیاتی قوانین اُتے 3 مہینے وچ رائے دیوے گا
قنوناں نوں عالمی طریقیاں نال میلن (ہم آہنگ کرن) لئی تجاویز تیار کیتیاں جان گئیاں، مقصد شفاف تے منصفانہ انتخابی عمل اے: ذرائع
اسلام آباد (دنیا نیوز، مانیٹرنگ ڈیسک)
الیکشن کمیشن پاکستان نے آؤن والے عام چناؤ (انتخابات) توں پہلاں انتخابی قنوناں تے آئین وچ تبدیلیاں کرن دا فیصلہ کیتا اے۔ ایس سلسلے وچ الیکشن کمیشن نے اپنی لیگل ریفارمز کمیٹی نوں سرگرم (فعال) کر دتا اے۔ کمیٹی وچ الیکشن کمیشن دے اعلیٰ حکام تے سارے ونگز دے افسر شامل نیں، ایہ کمیٹی موجودہ انتخابی قانون تے آئینی شقاں دا جائزہ لوے گی۔ ذرائع دے مطابق کمیٹی عام انتخابات 2024 وچ سامنے آؤن والیاں قانونی تے آئینی خامیاں دا جائزہ لے کے اپنیاں سفارشاں پیش کرے گی، الیکشن کمیشن انتخابی قنوناں نوں اثر دار تے جدید بناؤن لئی قانونی فریم ورک دا جائزہ لوے گا۔ الیکشن کمیشن آئین، الیکشن ایکٹ 2017 تے الیکشن رولز 2017 وچ ضروری ترمیم دی تجاویز تیار کرے گا۔
ذرائع دے مطابق الیکشن کمیشن انتخابی قنوناں وچ خامیاں دی نشان دہی کر کے متعلقہ فورمز نوں سفارشاں گھلے گا، الیکشن ایکٹ 2017 تے الیکشن رولز 2017 دا جائزہ ایس سال دسمبر 2026 تیکر مکمل کیتا جائے گا۔ ذرائع نے آکھیا کہ انتخابی قنوناں نوں دنیا دے بہترین طریقیاں دے مطابق ڈھالن اُتے توجہ دتی جائے گی۔ انتخابی قنوناں دا مقصد شفاف، منصفانہ تے یکساں انتخابی عمل نوں یقینی بنانا اے۔ الیکشن کمیشن نے انتخابی عمل نال جڑیاں آئینی شقاں دا جائزہ 2026 تیکر مکمل کرن دا ہدف تیار کیتا اے، بلدیاتی قنوناں وچ ترمیم اُتے الیکشن کمیشن نویں قانون سازی دے تن مہینے دے اندر اپنی رائے دیوے گا۔ الیکشن کمیشن دا مقصد انتخابی قنوناں نوں بدلدے حالات دے مطابق اثر دار تے جمہوری تقاضیاں دے برابر بنانا اے۔
